Bê na dirbet bivîni
Newe nebî ya na
Newe nevicîya ya
Kûl o bê dermana
Verê insana estibi
Verê dinya alemî

 

Bê
Bê na dirbet miyan de
Vinîbi
Xorîya alemîya
Ge ge xo rodana
Ge ge avêr şina

 

Rimilbazê suk ê girdan 
Yenê dirbet ser..
Yenê û kom benê
Darî û duayana 
Vaşê mizgefta anê
Hera tebarik

 

Pêrkon sero çinayo sûr
Pêrkon sero tersê homay
Û tersê mergî

 

Kom biyê dirbet sero
Zaneyey şik bîyê vero

 

Na biyayena
Mergî re helbesta
Jew dêra 
Jew destana 
Na neweşîya eşqîya
Xo zerriya girêdaya

 

Bê
Bê
Newe zerî de axir dewro
Qeyam a.. 
Newe dirbet ameya ziwan
Ameya gunî ameya
Bermi 
SermiÛ

Ameya qetahkerden
Newe ameya
To lepa mîyan de 
Lepê to 
Welatê heskerdeno
Ri dê xo sawi
Riyê to deştêna 
Cinnetiya
Ti bê 
Guldesta hurîya